სმარტფონეფშო მარგალურ კლავიატურაქ გამკორჩქინდჷ / В смартфонах появились клавиатура на мегрельском языке

    

მიდგა ტელეფონით მეჭარ-მოჭარუა ბორჯის მარგალურს ირინუანსინ, თინეფშო პროცესიქ უმოსო გელექინჷ დო კომფორტულო გინირთჷ.

პოპულარულ აპლიკაციას (SwiftKey Keyboard), ნამუსუთ 100 მილიონშე უმოს გინოჭარუა უღუნ, ქორთულ ანბანიშ ბაზაშა გერცხილქ იჸუ მარგალურ კლავიატურაქ - ქიგიაძინჷ ჸ დო ჷ ასოეფქ, ნამუთ მარგალურ ნინას მერყეთ გიმირინუაფუნ. ათე შვანს აპლიკაცია ფლეი მარკეტის გეძჷ, ოგონუნა აიფონ ვერსიაშ ხაზირუა ხოლო.

აპლიკაცია კომპიუტერულ ტექნოლოგიეფიშ კორპორაცია „მაიკროსოფტიშ“(Microsoft) წორომოხანდექ, ჯულიენ ბეილიქ კოლეგეფწკუმა ართო დარცხუ. თის თე საქვარს ელუდირთჷ გიგა ქავთარაძექ, ფეიბუქიშ მარგალრ ხასჷლაშ, „მარგალური ნინა - მეგრული ენა - Megrelian Language“-შ ადმინისტრატორქ.

ქავთარაძეშ ნარაგადიშ მეჯინათ, თე აპლიკაციას დინოდვალირქ იჸუ მარგალურ ზიტყვეფიშ უმენტაშიქ, მუქუთ თე ნინაშა ჭარუა გალექინჷ. პარალელურო თე აპლიკაცია ჭარუა ბორჯის ზიტყვეფს თ.შ. „სპელ ჩექერიშ“ ფუნქციაშ გიმორინაფათ თინუნს.

„ოეგებიე ზიტყვასქილიშ აკადგინალ ზიტყვეფს მუმარზიენა გეწ-გეწი. მაგალთო, „მუჭო“-ს დოჭარუნქ-და, ავტომატურო მუგარზიენს ზიტყვა „რექ“-ს, დო გიშუურს „მუჭო რექ“ - რაგადანს ქავთარაძე. 

************

მათთვის, ვინც სატელეფონო მიმოწერაში მეგრულს იყენებს, პროცესი კიდევ უფრო გამარტივდა და კომფორტული გახდა. 

პოპულარულ აპლიკაციაში (SwiftKey Keyboard), რომელსაც 100 მილიონზე მეტი გადმოწერა აქვს, ქართული ანბანის ბაზაზევე, შეიქმნა მეგრული კლავიატურა - დაემატა ასო ჸ და ჷ, რომელიც მეგრული სიტყვების დიდ ნაწილში გამოიყენება. ამ ეტაპზე აპლიკაცია ფლეი მარკეტში ხელმისაწვდომია ანდროიდებისთვის, იგეგმება აიფონ ვერსიის მომზადებაც. 

აპლიკაცია კომპიუტერული ტექნოლოგიების კორპორაცია „მაიკროსოფტის“ (Microsoft) თანამშრომლმა, ჯულიენ ბეილიმ კოლეგებთან ერთად შექმნა. მას ფეისბუკზე მეგრულენოვანი გვერდის „მარგალური ნინა - მეგრული ენა - Megrelian Language“ ადმინისტრატორი გიგა ქავთარაძე დაეხმარა.

მისი თქმით, ამ აპლიკაციაში ჩაშენდა მეგრული სიტყვების მაქსიმალური რაოდენობა, რამაც გააადვილა ამ ენაზე წერა. პარალელურად აპლიკაცია წერისას სიტყვებს ე.წ. სპელ ჩექერის ფუნქციის გამოყენებით ასწორებს.

„ასევე გვთავაზობს სავარაუდო წინადადების შესადგენ სიტყვებს თანმიმდევრულად. მაგალითად, თუ დაწერ "მუჭო"-ს, ავტომატურად გთავაზობს იქვე, სიტყვა "რექ"-ს ანუ "მუჭო რექ", (როგორ ხარ)" - ამბობს ქავთარაძე.

************

Носителям мегрельскго языка легче станет писать тексты и сообщения в смартфонах. Популярное приложение SwiftKey Keyboard добавило клавиатуру мегрельского языка, на основе грузинского, с добавлением 2 букв ჸ и ჷ, присутствующих во многих мегрельских словах. Этот апдейт пока добавлен в версии для андроида, планируется обновление и версии для iphone.

Это приложение создано сотрудником Microsoft Джулиеном Бейлом, который консультировлся с админом фб страницы „მარგალური ნინა - მეგრული ენა - Megrelian Language“ Гигой Кавтарадзе.

По его словам, в апликацию встроено максимальное количество мегрельских слов, что помогает при написании текста, она не только проверяет написанное на ошибки, но и подсказывает возможное продолжение текста.

Так, если написать მუჭო, то появится подсказка რექ, для написания фразы მუჭო რექ, (как ты?)

отсюда